كتب : خالد حسونه الإثنين 21-04-2014 13:42 
صورة ار شيفية
بكره الشعب ياخد تأبيدة
لا أنا شغال باكتب في مجلة ولّا جريدة
أنا كّناس والعدة بتاعتي.. جاروف وجريدة
ألّم زبالة خردة بلاستيك.. خرقة.. حديدة
نعمة ونشكر الله طول ما الصحة تمام وشديدة
شهد مسكر يوم بيمرر والدنيا كده.. غنوة، وتعديدة
تعب اليوم على حلم بسيط.. نفسين دخان على تمديدة
واهو ماشي الحال على دا المنوال، والواحد مستني التنهيدة
لحد ما قامت ثورة مصر، وكانت قومة يا خلق شديدة
كنست زيي.. بس أنا في بولاق، وهما كنسوا في حتة بعيدة
راحوا قصر القبة، وكنسوا هناك في مصر الجديدة
غار علي بابا والألف حرامي خدوا تأبيدة
وقلنا ارتحنا، ونبدأ نبني في مصر جديدة
فيها العدل أساس الملك.. مش خانة وتسديدة
لحد ما قمت في يوم مالنوم على صرخة شبه التعديدة
قال إيه يا ولاد.. الريس راجع ومعاه شلة التأبيدة
قلت لا ممكن أبدًا يحصل.. هي دي ثورة ولا عصيدة؟!
عايزين ياكلوها ولاد الإلـ.. على جتتي لو طالوا حديدة
بس ازاى وحديدهم طالع هو كمان، وبكره الشعب ينوبه جريدة
ونقعد كلنا جوه لومان نكنس ونغني.. الشعب يا عالم خد تأبيدة
فوقوا يا خلق وشيلوا الظلم.. ده الظلمة لا هم ُسنة ولا فريضة.
الموضوع منقول من الرابط التالى
Googlefoolw.me
discoveredidea
0 التعليقات:
إرسال تعليق